Elín Anna Baldursdóttir
Elín Anna Baldursdóttir er gengin til liðs við Hauka og gerir hún tveggja ára samning við félagið. Elín Anna lék með FH á síðustu leiktíð, en hún hefur einnig leikið með ÍBV og uppeldisfélagi sínu HK. Elín Anna er mikill liðsstyrkur fyrir Hauka og henni er ætlað stórt hlutverk í liðinu á komandi leiktíðum, bæði í stöðu leikstjórnanda og skyttu.
Við erum afar ánægð með að Elín Anna hafi ákveðið að koma til okkar í Haukum því hún er mikill fengur fyrir liðið og styrkir hópinn verulega í þeirri titlabaráttu sem félagið ætlar sér að taka þátt í á næstu tímabilum.
Frekari frétta af leikmannamálum er að vænta á næstu dögum.