Getraunir

Getraunahópur Hauka

Gleðilega jólahátíð
Haukar standa fyrir öflugu getraunastarfi undir getraunanúmerinu 221.
Getraunastarfið er frábær vettvangur til að hitta félaganna yfir léttu spjalli. Það er líka mikilvægt að við tökum öll þátt í þessu frábæra starfi og eflum þannig félagið okkar til enn frekari dáða. Getraunastarfið er opið öllum. Starfsárið 2011-2012 verður sú nýbreytni að keyrðir eru tveir leikir samtímis.
Hópleikurinn
Annars vegar hinn sívinsæla hópleik, sem verður með sama hætti og undanfarin ár. Leikurinn er byggður upp á tveggja manna liðum og keppt er í riðlum. Hópleikurinn er ætlaður mömmum og mæðgum, pöbbum og feðgum, öfum og ömmum, vinum og vinkonum, vinnufélögum, veiðifélögum og saumaklúbbum. Með öðrum orðum öllum sem vilja taka þátt í skemmtilegum leik með skemmtilegu fólki. Engin sérþekking er nauðsynleg og hægt að nota frjálsa aðferð í niðurröðun úrslita. Það þekkist að menn hafi náð góðum árangri með því að spá í úrslit eftir fjölda stafa í orði félags eða með því að spá því liði sigri sem er framar í stafrófinu. Það eiga allir Haukafélagar að kunna leikinn.
Meistaradeildin
Í ár verður þeim Haukafélögum sem telja sig vera “getraunasérfræðingar” boðið upp á nýbreytni í svokallaðri meistaradeild. Meistaradeildin gengur þannig fyrir sig að lið keppa innbyrðis. Allir geta stofnað lið en sú kvöð fylgir að liðin þurfa að kaupa í hverri viku á meðan leiknum stendur að lámarki 250 raðir og að hámarki 290 raðir til að taka þátt í leiknum. Liðin keppa síðan innbyrðis og síðan gildir að sá sem fær fleiri rétta vinnur viðureignina og fær 3 stig. Fái báðir jafnmarga rétta fær hvor keppandi eitt stig.
Opnunartími
Opnunartími getrauna verður á tímanum 10:00 til 13:00 allt árið. Við hlökkum til að sjá ykkur öll í skemmtilegu getraunastarfi í vetur og að sjálfsögðu eru allir velkomnir í kaffi, óháð því hvort menn taki þátt í getraunaleikjunum. Reglur leiksins og fréttir er að finna á heimasíðunni.
Það eru allir alltaf velkomnir.
Umsjónarmenn getraunastarfs
Nafn | Sími |
---|---|
Ágúst Sindri Karlsson | 8207700 |
Heimir Heimisson | 7736933 |
Jón Björn Skúlason | 8990360 |
Eiríkur Sigurðsson | 8404908 |
Sigfús Tómasson | 8952644 |
Gissur Guðmundsson | 8990360 |
Hafsteinn Ellertsson | 8967656 |
Bjarni Hafsteinn Geirsson | 8969966 |