Í úrslitaleiknum á Ragnarsmótinu meiddust tveir af leikmönnum okkar. Það voru þeir Kári Kristján Kristjánsson, línumaður, og Gísli Guðmundsson, markmaður.
Kári varð fyrir því óláni að brákast á fæti og verður frá keppni í 1-2 mánuði. Gísli tognaði á innanverðu liðbandi í hné og verður væntanlega frá keppni í um 2 vikur.
Þetta þýðir að Kári og Gísli verða ekkert með í leikjunum í Danmerkurferðinni en Gísli verður sennilega klár í slaginn í upphafi Íslandsmóts. Kári mun hins vegar missa af fyrstu leikjum vetrarins.