Þórarinn Jónas Ásgeirsson ráðinn sem aðstoðarþjálfari meistaraflokks karla. Kári Sveinsson sem sjúkra- og styrktarþjálfari.

Knattspyrnudeild Hauka og Þórarinn Jónas Ásgeirsson hafa skrifað undir samning þess efnis að Þórarinn taki við sem aðstoðarþjálfari meistaraflokks karla, auk þess er Þórarinn Jónas aðstoðarþjálfari 2.fl karla með Salih Heimi Porca.

Samið var til tveggja ára og um er að ræða skemmtilegt og krefjandi starf þar sem Þórarinn Jónas mun hjálpa Igor Bjarna við að byggja upp og þróa ungt og efnilegt lið Hauka.

Þórarinn Jónas þarf vart að kynna fyrir Haukafólki, en hann er 26 ára gamall og uppalinn Haukastrákur. Spilaði upp alla yngri flokka hjá félaginu og mikill gæðingur innan vallar sem utan. Hann mun klára KSÍ B þjálfaragráðuna núna í vor og stefnir enn hærra í þjálfun.
Þess má geta að Þórarinn Jónas á afmæli í dag, 4. Janúar. – Ef þið hittið á hann má alltaf gefa honum eitt stórt knús.

Ennig hafa Haukar samið við Kára Sveinsson, sjúkraþjálfara og styrktarþjálfara út árið 2020. Kári er menntaður sem íþróttasjúkraþjálfari frá King University í Bandaríkjunum og er að klára meistaranám í sjúkraþjálfun við Háskóla Íslands.

Ráðning Þórarins og Kára er liður í að styrkja þjálfarateymi Hauka enn frekar og mun þekking þeirra nýtast í að byggja upp öflugan meistaraflokk.

Haukar leggja mikla áherslu á að vera með framúrskarandi þjálfara innan sinna vébanda og byggja upp hágæða fótboltalið.

 

Áfram Haukar.