Golfmót Knattspyrnufélagsins Hauka verður haldið föstudaginn 30. ágúst nk. á hinum glæsilega golfvelli Keilis á Hvaleyrinni.
Ræst verður út milli klukkan 11.00 og 15.00, og eru keppendur beðnir um að mæta tímanlega. Hægt er að bóka rástíma á netinu á www.golf.is eða í síma 565-3360. Keppnisgjald er kr. 2.000,00.
Aldurstakmark er 16 ára og eldri. Keppt verður um Rauða jakkann ásamt fjölda annarra glæsilegra vinninga og nándarverðlaun verða veitt á par þrjú brautum. Keppnisfyrirkomulag er punktakeppni. Keppendur með forgjöf 28-36 keppa á rauðum teigum.
Verðlaunaafhending fer fram í golfskálanum á Hvaleyrinni að lokinni keppni.
Haukafélagar eru hvattir til að taka þátt í mótinu og hitta gamla félaga í góðum félagsskap við iðkun hinnar göfugu golfíþróttar.
Undirbúningsnefnd
Hauka í holu.