Meistaraflokkur kvenna leikur við Fram á miðvikudagskvöld á Framvellinum og hefst leikurinn kl. 20:00.
Haukastúlkur hafa spilað vel í síðustu þremur leikjum, skilað níu stigum í hús og skorað tólf mörk en ekki fengið á sig mark. Það er vonandi að þetta góða gengi haldi áfram.
Til að svo verði þurfa Haukastúlkur að koma einbeittar til leiks. Framstúlkur verða nú á heimavelli en fyrri leikurinn við Fram á Ásvöllum var mikill barningur og urðu úrslit þess leiks naumur sigur Hauka eða 1-0.
Við látum nokkrar myndir frá þeim leik fylgja með, ásamt mynd af öðru marki Hauka í síðasta leik við Tindastól, og hvetjum um leið stuðningsmenn Hauka til að mæta á Framvöllinn og styðja stelpurnar okkar til sigurs.
Áfram Haukar!
