Eins og við greindum frá á síðunni fyrr í vikunni er Sara Björk Gunnarsdóttir leikmaður meistaraflokks Hauka að spila með Undir 19 ára landsliði Íslands í undankeppni fyrir EM.
En þar eru íslensku stelpurnar í riðli með Portúgölum, Grikkjum og Rúmenum.
Á fimmtudaginn sigruðu stelpurnar Rúmenía en þar skoraði Sara Björk eitt mark.
Í dag léku íslensku stelpurnar síðan gegn Grikkjum og fóru með 4-1 sigur að hólmi.
Sara Björk skoraði tvö mörk fyrir íslenska liðið, annað og þriðja mark leiksins.
Einnig skoruðu þær Rúna Stefánsdóttir og Elínborg Ingvarsdóttir.
Þær eiga einn leik eftir í riðlakeppninni er þær etja kappi við Portúgal.