Haukar.is
Félagið mitt

Haukar báru sigur úr bítum gegn KA á Ásvöllum í gærkvöldi, 4-2 eftir að hafa verið marki undir í hálfeik 0-1. Haukarnir mættu hinsvegar grimmir til leiks í seinni hálfleik og breyttu gangi leiksins og uppskáru fjögur mörk. Fjórði sigurleikur Hauka á tímabilinu og 2.sætið er Haukana í bili.

Mörk Hauka skoruðu þeir, Andri Steinn Birgisson, Hilmar Trausti Arnarsson og Hafsteinn Briem tvö. Mörk KA skoruðu Haukarnir, Hafþór Þrastarson og Hilmar Trausti Arnarsson.

Næstu tveir leikir Hauka eru á útivelli, fyrst gegn Víking R. 22.júní og síðan gegn Leikni R. 27.júní. Tveir gríðarlega erfiðir og mikilvægir útileikir framundan.

Í kvöld fer fram stórleikur í 16-liða úrslitum bikarkeppni kvenna í knattspyrnu þegar Haukastelpur taka á móti Þrótt. Haukar leika sem kunnugt er í 1.deild en Þróttarar spila í úrvalsdeild og er því óhætt að fullyrða að framundan sé erfiður leikur fyrir Haukaliðið en á góðum degi getur liðið svo sannarlega unnið Þrótt.

Leikur stelpnanna hefst kl.19:15 og fer fram hér á Schenkervellinum á Ásvöllum. Aðgangur er ókeypis.

KF, Knattspyrnufélag Fjallabyggðar og Haukar skyldu jöfn í gær, 1-1 í 5.umferð 1.deildar karla. Leikurinn fór fram í blíðskaparveðri í Ólafsfirði. 

Staðan var markalaus í hálfleik en Haukaliðið hefði hæglega getað verið einu til tveimur mörkum yfir í hálfleik en til að mynda átti Hilmar Rafn Emilsson skalla í tréverkið eftir fyrirgjöf frá Hilmari Trausta. Það voru hinsvegar heimamenn sem komust yfir með marki frá Jóni Björgvini Kristjánssyni eftir um klukkutíma leik.

Úlfar Hrafn Pálsson jafnaði hinsvegar metin nokkrum mínútum síðar, með laglegu marki. Fleiri urðu mörkin ekki í leiknum. Meira jafnræði var með liðunum í seinni hálfleik. KF liðið sem eru nýliðar í deildinni hafa sýnt það í byrjun móts að þeir eru sýnd veiði en ekki gefin.

Næsti leikur Hauka er næstkomandi föstudag á Ásvöllum. Þá koma lærisveinar Bjarna Jóhannssonar í KA í heimsókn. Hefst leikurinn klukkan 19:15.

Miðjumaðurinn nautsterki, Andri Steinn Birgisson sem gekk til liðs við Hauka fyrr á þessu ári lék sínu fyrstu mínútur fyrir Hauka í 1.deildinni, í 1-0 sigurleiknum gegn Fjölni í síðustu umferð. 

Hann hefur verið að glíma við meiðsli undanfarnar vikur en virðist nú vera búinn að finna leið í gegnum þau, með hjálp Rúnars Pálmarssonar sjúkraþjálfara Hauka og  eins besta sjúkraþjálfara landsins.

Við fengum Andri Stein til að svara nokkrum spurningum fyrir lesendur Haukar.is. Næsti leikur Hauka er á Ólafsfirði á laugardaginn gegn KF. Hefst sá leikur klukkan 16:00. Næsti heimaleikur Hauka er gegn KA 14. júní klukkan 19:15.

Kvennalið Hauka í knattspyrnu fer vel af stað þetta sumarið. Liðið hefur unnið fyrstu tvo leiki sína í Íslandsmótinu. Fyrst unnu þær Fram 2-1 á Schenkervellinum og síðast liðin sunnudag héldu þær til Ísafjarðar þar sem þær náðu sér í góð þrjú stig með 2-0 sigri á BÍ/Bolungarvík.

Dregið hefur verið í happadrætti 4.flokks karla í knattspyrnu. Strákarnir vilja koma á framfæri þökkum til þeirra fjölmörgu sem styrktu þá. Vinningaskránna getið þið séð með því að smella á "lesa meira".

Hauka bjóða upp á metnaðarfullt afreksstarf sem samanstendur af Afreksskóla Hauka, fyrir 8.-10. bekkinga, og svo Afrekssviði Hauka fyrir bæði framhaldsskólanema og aðra metnaðarfulla íþróttamenn sem vilja meira. Allir fæddir 2000 og eldri geta sótt um og fyrri umsóknarfrestur er milli 3.-17. júní. Ef ástæða þykir til þá verður opnað aftur fyrir umsóknir milli 1.-10. ágúst. Þann 15. ágúst fá umsækjendur svör við sinni umsókn.

Kynnið ykkur vel allar upplýsingar sem eru að finna á skráningarsíðunni:
Sæktu um inn á Afrekslínu Hauka - HÉR

VÍSmót Þróttar var haldið helgina 25.-26. maí og sendi 7. flokkur karla 4 lið til leiks.  Strákarnir voru allir að leggja sig fram og eru miklar framfarir hjá strákunum. Hér að neðan eru svo myndir að þessum vösku drengjum sem fengnar voru af heimasíðunni dramalidid.is.  

Það var Hilmar Rafn Emilsson sem skoraði eina mark leiksins í dag þegar Haukar og Fjölnir mættust í fjórðu umferð 1.deildar karla á Ásvöllum. Haukar eru því komnir með níu stig af tólf mögulegum og fyrsti heimasigurinn staðreynd.

Það var markalaust í hálfleik eftir tíðindalítinn fyrri hálfleik. Fjölnismenn voru þó líklegri að komast yfir en Sigmar Ingi í marki Hauka stóð vaktina vel og var að lokum valinn maður leiksins í liði Hauka. Hann varði til að mynda frábærlega langskot frá Fjölnismanni, frá miðju. Hilmar Rafn og Brynjar Benediktsson voru þeir menn sem voru hvað næst því að skora fyrir Hauka en skot þeirra fjarri markinu. 

 Markið kom síðan á 56. mínútu uppúr innkasti, Úlfar Hrafn sendi síðan boltann á Hilmar Rafn sem var inn í teignum og kláraði færið vel. Eftir markið þéttu Haukar raðir sínar vel og beittu skyndisóknum. Fjölnismenn náði aldrei að ógna almennilega að marki Hauka. 

Hilmar Geir Eiðsson var ekki í leikmannahópi Hauka í dag vegna meiðsla í nára en jákvæðu fréttirnir eru þær að Úlfar Hrafn Pálsson kom aftur inn í liðið eftir að hafa verið tæpur í læri og síðan spiluðu þeir Andri Steinn Birgisson og Helgi Valur Pálsson sínar fyrstu mínútur með Haukum á Íslandsmótinu. Báðir hafa þeir verið að vinna sig úr meiðslum og virðast vera komnir á fullt.

Eftir sigurinn eru Haukar á toppi 1.deildar með 9 stig ásamt BÍ/Bolungarvík. Frábær byrjun og vonandi frábæru sumri. Það var heldur fámennt í stúkunni og vonandi að Alvöru Haukarar fari nú að láta sjá sig á næstu leikjum og hjálpi liðinu að ná því markmiði sem stefnt er að. Pepsi-deildin árið 2014! 

Næstu leikir Hauka:
KF - Haukar Ólafsfjarðarvelli 16:00. 8.júní

Haukar - KA Ásvellir 19:15: 14.júní 

Haukaliðið tekur á móti Fjölni í 4.umferð 1.deildar karla á laugardaginn á Ásvöllum. Hefst leikurinn stundvíslega klukkan 14:00.

Eftir tap í fyrsta heimaleik sumarsins er lítið annað að gera en að tryggja sér þrjú stig á laugardaginn og fagna þar með fyrsta sigrinum af vonandi fjölmörgum á DB Schenkervellinum. Haukar hafa byrjað mótið nokkuð vel, með sex stig eftir tvo útisigra á Þrótti R. og Selfoss.

Staðan í deildinni er nokkuð jöfn eftir fyrstu þrjár umferðirnar. Haukar eru í efsta sæti ásamst Grindavík, Víking R. og BÍ/Bolungarvík. Öll eru þau með sex stig.

Fjölnisliðið er síðan nokkrum sætum neðan með fjögur stig, og getur komið sér í hóp efstu liða með sigri á laugardaginn. Í fyrra þegar þessi lið mættust skiptu þau sigrunum bróðlega á milli sín. Fjölnisliðið vann heimaleikinn og Magnús Páll Gunnarsson tryggði Haukum sigur á Fjölni í lokaumferðinni í fyrra.