Haukar unnu 2-0 sigur á HK í kvöld í 1. deild karla í fótbolta en leikurinn fór fram á Ásvöllum. Zlatko og Aron JP gerðu mörk okkar manna. Haukar eru nú í sjötta sæti deildarinnar með 16 stig.
Eftir jafnan fyrri hálfleik sem einkenndist af mikilli baráttu beggja liða þar sem bæði lið fengu ágæt marktækifæri þá tóku okkar strákar yfirhöndina í leiknum á 50-60 mínútu leiksins. Þeir spiluðu flottan fótbolta og uppskáru svo mark á 72 mínútu þegar Zlatko átti skot sem markvörður HK missti undir sig.
En okkar menn voru ekki hættir og á 79 mínútu skoraði Aron annað mark okkar manna eftir glæsilega sókn þar sem Haukur átti snilldar sendingu á Aron.
Aron var svo valinn maður leiksins en sigurinn var þó algjörlega sigur liðsheildarinnar.
Það er stutt í næsta leik en hann verður á föstudaginn, 17. júlí, kl. 19:15 þegar Víkingur Ólafsvík mætir í heimsókn á Ásvelli. Nú er um að gera að fjölmenna á Ásvelli og hvetja okkar menn til sigurs en Víkingur er í þriðja sæti deildarinnar með 23 stig.
Áfram Haukar!
Umfjöllun á Fotbolti.net: