Kristinn Jónasson var kjörinn formaður Körfuknattleiksdeildar Hauka á auka aðalfundi deildarinnar á dögunum.
Kristinn, sem er fyrrverandi leikmaður mfl. karla, tekur við af Braga Magnússyni sem lét af formennsku fyrr í vetur.
Aðrar breytingar á stjórn deildarinnar voru þær að Emil Örn Sigurðarson og Tobías Sveinbjörnsson gengur úr stjórn ásamt Braga sem hætti fyrr í vetur. Er þeim þakkað fyrir þeirra framlag til félagsins. Inn í stjórnina komu þau Brynjar Þór Þorsteinsson, Helena Sverrirsdóttir, Ingi Björn Jónsson, Sara Pálmadóttir, Steinar Aronsson og Þorsteinn Þorsteinsson.
Ný stjórn hefur tekið til starfa og má vænta frétta af leikmanna- og þjálfaramálum á næstunni.