Nú er komið að hinu árlega móti Reykjavik Open. Mótið verður eins og undanfarin ár haldið af HKRR (Handknattleiksráði Reykjavíkur) í Austurbergi og Seljaskóla (í Breiðholti). Mótið fer fram dagana 27. – 30. ágúst.
Í ár sendum við Haukafólk tvö lið, meistaraflokk kvenna og U liðið. Stelpurnar hefja leik miðvikudaginn 27. ágúst þegar þær spila tvo leiki. Fyrri leikurinn hefst klukkan 16:30 þegar stelpurnar leika gegj Fylkir og síðari klukkan 20:30 þegar þær leika gegn Fram. Þær leika svo aftur fimmtudaginn 28. ágúst þegar þeir mæta FH klukkan 18:00. Leikurinn um 3. sæti fer svo fram laugardaginn 30. ágúst í Austurbergi klukkan 13:30 og úrslitaleikurinn sama dag og á sama stað klukkan 15:00.
U liðið hefur leik föstudaginn 29. ágúst þegar þeir leika tvo leiki. Fyrri leikurinn hefst klukkan 18:30 og er gegn HK og síðari leikurinn klukkan 20:30 og er gegn ÍR. Milliriðlar, leikurinn um 3. sæti og úrslitaleikurinn verða svo leiknir á laugardeginum.
Leikjafyrirkomulag verður með óbreyttum hætti. Leikið verður 2×20 mínútur í riðlakeppni og 2×30 mínútur í leikjum um 3. sæti og úrslitaleikjum.
Við hvetjum fólk til að mæta á leikina og styðja okkar fólk.