Meistaraflokkur karla spilar sinn sjötta leik í Lengjubikarnum annað kvöld á slaginu 19:00. Leikurinn er spilaður á iðagrænu gervigrasinu á Ásvöllum og hvetjum við alla til að mæta og styðja liðið. Mótherjarnir að þessu sinni eru Fylkismenn en Haukarnir þurfa að fá 6 stig út úr þessum síðustu tveimur leikjum í keppninni ef þeir vilja eiga eitthverja möguleika á að komast í 8 liða úrslit Lengjubikarsins. Liðið hefur spilað ágætlega í keppninni og hefur 7 stig eftir 5 leiki. Fylkisliðið hefur einnig 7 stig en þeir hafa þó leikið einum leik færra en Haukaliðið.
Síðast spiluðu Haukar við Fjarðarbyggð á Eskifirði og unnu sannfærandi 4-1 sigur á heimamönnum. Arnar Gunnlaugsson og Hilmar Emilsson sáu um markaskorunina en þeir skoruðu tvö mörk hvor. Arnar verður hins vegar fjarri góðu gamni á morgun en hann er meiddur. Hilmar Geir, Jónas Bjarna, Ásgeir Ingólfs og Úlfar Hrafn eru allir meiddir og spila ekki á morgun.
Líklegt byrjunarlið á morgun:
Daði Lárusson
Pétur Ásbjörn Þórhallur Dan Guðmundur Mete Kristján Ómar
Hilmar Trausti
Guðjón Lýðs Ísak Örn
Stefán Garðar
Hilmar Emils