Núna fyrir komandi tímabil mun í fyrsta skipti koma út leikmannarit Fjalars. Blaðið mun innihalda upplýsingar um leikmenn meistaraflokkanna, yngri flokka og starfsemi körfuknattleiksdeildarinnar en þó má frekar tala um bók í þessu samhengi þar sem blaðið verður hátt í 100 blaðsíður í A4 stærð.
Þar sem prentkostnaður er mjög mikill neyðist deildin til að selja blaðið til stuðningsmanna félagsins. Þó var ákveðið að hafa þann kostnað í lágmarki en blaðið mun kosta um 1000 krónur.
Forsala verður á blaðinu á Ásvöllum á næstu dögum og þar verður einnig hægt að skoða sýnishorn úr því. Menn geta einnig sent e-mail á arnar.magnusson@gmail.com með allar upplýsingar um sig og fengið blaðið sent heim til sín þegar það kemur út (svo lengi sem það er á höfuðborgarsvæðinu). Áætluð útgáfa er fyrir fyrsta heimaleik sem er 17. október.
Fyrir hönd stjórnar körfuknattleiksdeildarinnar.
Arnar Freyr Magnússon