Stelpurnar okkar urðu að játa sig sigraða er þær tóku á móti Val á Ásvöllum í kvöld. Lokatölur 30-34.
Mikill hraði var í leiknum í byrjun og mörkin komu á færibandi. Jafnræði var með liðunum framan af en Valur náði 3ja marka forskoti undir lok fyrri hálfleiks 10-13 en smá barátta hjá Haukum skilað þeim einu marki þegar flautað var til leikhlés 14-13.
Í síðari hálfleik héldu gestirnir baráttunni áfram og sigu framúr, náðu mest átta marka forskoti en Haukar náðu aðeins að laga stöðuna fyrir leikslok.
Stelpurnar okkar mættu engan veginn tilbúnar í slaginn og voru á hælunum stærstan hluta leiksins. Vörnin var eins og gatasigti og markvarslan eftir því. Því miður náðist ekki sigur í kvöld og dýrmæt stig töpuðust.