Haukastúlkur gerðu sér lítið fyrir og sigruðu nýkrýnda bikarmeistara Keflavíkur í gær, 67-58, í Dominos-deildinni. Sigurinn er þeim mun athyglisverðari fyrir þær sakir að í öðrum leikhluta lenti liðið 18 stigum undir en komu sterkar til baka í þriðja leikhluta og náðu að jafna undir lok leikhlutans.
Í fjórða leikhluta var Haukaliðið einfaldlega sterkara og innbyrgði góðan sigur sem gefur þeim von um sæti í úrslitakeppninni. En eru 12 stig (sex leikir) eftir í pottinum fyrir Haukaliðið og eiga þær eftir að mæta liði Vals sem er fjórum stigum á undan í fjórða sæti deildarinnar. Á móti kemur verða Haukar að treysta á að önnur lið steli stigum af Valsliðinu svo sæti í úrslitakeppninni verði að möguleika.
Leikir Hauka sem eru eftir í deild:
27.2.2013 Njarðvík – Haukar
2.3.2013 Haukar – Snæfell
6.3.2013 Valur – Haukar
13.3.2013 Haukar – Fjölnir
20.3.2013 Haukar – KR
27.3.2013 Grindavík – Haukar
Staðan í deildinni eftir umferð gærkvöldsins:
1. Keflavík 38 stig
2. Snæfell 34 stig
3. KR 28 stig
4. Valur 24 stig
5. Haukar 20 stig
6. Njarðvík 14 stig
7. Grindavík 12 stig
8. Fjölnir 6 stig