Haukar.is
Félagið mitt

Tveir Haukaleikir fara fram í Reykjaneshöllinni í dag en bæði meistaraflokkur karla og kvenna leika þar í dag. Kvennaliðið mætir Grindavík klukkan 18:00 í A-deild Lengjubikarsins.

Karlaliðið mætir hinsvegar Stjörnunni í sínum riðli í Lengjubikarnum. Sá leikur hefst klukkan 16:00.

Um næstu helgi fara fram úrtaksæfingar hjá  U-19 og U-17 ára landsliðum karla. Haukar eiga þrjá fulltrúa í þeim hópum.

Í U-17 ára landsliðinu sem er landslið fyrir þá sem eru fæddir 1994 og seinna eru þrír Haukastrákar.

Haukar léku gegn 1.deildarliði ÍA í annarri umferð í Lengjubikar karla á Akranesi í morgun. Skagamenn fóru með sigur úr leiknum með 4 gegn 3.

Mörk Hauka skoruðu Hilmar Trausti Arnarsson, Guðjón Pétur Lýðsson og Ásgeir Þór Ingólfsson. Hægt er að lesa umfjöllun um leikinn frá Fótbolti.net með því að ýta á "lesa meira".

Næsti leikur Hauka er gegn Stjörnunni á sunnudaginn 7.mars í Reykjaneshöllinni og hvetjum við Haukafólk til að fjölmenna á leikinn.

Haukar og Grindavík mættust í A-deild Lengjubikarsins í kvöld en leikið var í Reykjaneshöllinni og hófst leikurinn klukkan 21:00. Það var ágætlega vel mætt af Haukafólki og vonandi að það verði framhald á því í keppninni. 

Til að gera langa sögu stutta þá sigruðu Haukar leikinn með einu marki. Lokatölur 2-1. Guðjón Pétur Lýðsson skoraði fyrsta mark leiksins undir lok fyrri hálfleiks og Arnar Gunnlaugsson bætti við öðru marki strax í byrjun seinni hálfleiks.  

Grindavíkingar minnkuðu svo muninn þegar um korter var eftir af leiknum en það gerði Ondo með marki úr vítaspyrnu.