Haukar.is
Félagið mitt

Handknattleiksdeild Hauka og Halldór Ingólfsson hafa náð samkomulagi um að Halldór taki við þjálfun Íslandsmeistaraliðs Hauka eftir að yfirstandandi tímabili lýkur í vor. Samningurinn er til þriggja ára.

Halldór Ingólfsson var leikmaður og fyrirliði Hauka um árabil og því öllum hnútum kunnugur í félaginu. Halldór hefur reynslu af þjálfun bæði hér innanlands og erlendis og er vel til þess fallinn að taka við stjórnartaumunum hjá meistaraflokki karla.

Samkvæmt heimildum Vísi.is mun Halldór Ingólfsson þjálfari Gróttu og fyrrverandi leikmaður Hauka til margra ára taka við Haukaliðinu í sumar.

Núverandi þjálfari liðsins, Aron Kristjánsson hefur samið við þýska úrvalsdeildarliðið Hannover-Burgdorf og mun taka við þeim í sumar og er því verið að leita af nýjum þjálfara fyrir liðið.

Hægt er að lesa fréttina af Vísi.is með því að ýta á Lesa Meira.

Haukar og FH mætast á nýjan leik í klassískum Hafnarfjarðarslag í N1 deild karla á fimmtudagskvöldið. Leikurinn fer fram í Kaplakrika og hefst kl. 19:30. Leikir þessara liða hafa verið frábær skemmtun í vetur og boðið upp á allt það besta sem handboltinn hefur fram að færa. Sjö stig skilja liðin að í deildinni en það hefur ekkert að segja þegar kemur að viðureign Hafnarfjarðarliðanna. FH tapaði dýrmætum stigum í síðustu umferð þegar þeir töpuðu gegn botnliði Fram á meðan að Haukar lögðu Val í spennuleik. Mætum öll í rauðu í Kaplakrika og styðjum strákana til sigurs!

Handhafar aðgöngukorta HSÍ sem ætla á Hafnarfjarðarslag FH og Hauka í N1 deild karla á fimmtudaginn þurfa að sækja sér miða í Kaplakrika á milli kl. 20 og 21:30 á miðvikudag.