Hafnarfjarðarbær og Knattspyrnufélagið Haukar hafa undirritað samning um rekstur frístundaheimilis á vegum Hauka fyrir börn á aldrinum sex til níu ára með stuðningi Hafnarfjarðarbæjar.
Haukar byrjuðu í fyrra með frístundaheimili og gekk það einstaklega vel og var mikil ánægja með starfsemina og þá þjónustu sem Haukar voru að bjóða en þetta hentar einstaklega vel fyrir þau börn og foreldra þar sem þetta tengir saman skóla og æfingar fyrir yngstu iðkendur okkar.
Í ár er Íris Óskarsdóttir umsjónarmaður frístundaheimilisins.
Í gær fjallaði mbl.is um samninginn á milli Hauka og Hafnarfjarðar og hægt er að lesa þá frétt hér, http://www.mbl.is/frettir/innlent/2015/10/13/haukar_i_rekstur_fristundaheimilis/