Í kvöld fer fram leikur Hauka og Fylki í 3.riðli A-deildar í Lengjubikar karla. Leikurinn fer fram á gervigrasinu okkar að Ásvöllum og hefst hann á slaginu 20:00.
Um er að ræða næst síðasta leik Hauka í Lengjubikarnum. Þrír leikir hafa tapast en tveir unnir. Einn af sigurleikjunum var hinsvegar kærður vegna þess að einn leikmaður Hauka var ekki kominn með leikheimild fyrir tækatíð og eru Haukar því einungis með þrjú stig í riðlinum.
Þetta er eins og fyrr segir næst síðasti leikur liðsins í riðlinum en lokaleikur Hauka er síðan gegn Stjörnunni á Stjörnuvellinum en sá leikur verður leikinn, föstudaginn eftir viku, 15.apríl.
Daginn eftir mun liðið síðan halda til Spánar í æfingaferð þar sem loka undirbúningur fyrir 1.deildina verður tekinn með trompi.
Við hvetjum Haukara að kíkja við á Ásvöllum í kvöld og gera sér smá mat á því við hverju má búast af Haukaliðinu í sumar.
Áfram Haukar!