Hanna Guðrún í A-landsliði kvenna

Júlíus Jónasson A-landsliðsþjálfari Íslands í handknattleik valdi í gær 16 leikmenn til að taka þátt í tveimur leikjum liðsins í páskavikunni sem eru leikir þess í undankeppni EM. Ísland er þar í riðli ásamt Austurríki, Frakklandi og Bretlandi. Leikið er heima og að heiman og komast 2 efstu liðin áfram úr riðlinum.

Í þeim hópi er einn leikmaður frá Haukum og er það Hanna Guðrún Stefánsdóttir. 

Leikið verður við Breta miðvikudaginn 31. mars í London, Crystal Palace National Stadium kl. 19.00. Síðan verður leikur hér heima við Breta á laugardeginum 3. apríl kl. 14.00 í Laugardalshöll.