Hafi Hafnfirðingum ekki verið það ljóst fyrir leik FH og Hauka, í N1-deild karla í handbolta síðast liðin laugardag, hvort liðið væri öflugra um þessar mundir þá fengu þeir skýr svör frá þeim rauðklæddu.
Haukar hreinlega völtuðu FH-inga á þeirra eigin heimavelli en lokatölur voru 31-18. Munurinn var mestur 15 mörk í stöðunni 30-15 en Haukar slökuðu aðeins á í lokin og FH-ingar löguðu stöðuna.
Heimamenn voru með miklar yfirlýsingar fyrir leikinn og verður ekki farið nánar út í þær hér en segja má að þær hafi svo sannarlega kveikt í okkar mönnum sem hreinlega fóru hamförum í leiknum þrátt fyrir kannski smá stress í byrjun. Það skal þó enginn velgjast í vafa um að FH-liðið er gott þó svo að þeir hafi steinlegið í þessum leik og ekki náð sér á strik.
Flestar helstu sportsíður landsins voru með greinargóðar umfjallanir um leikinn og má nálgast þær með því að smella á tenglana hér að neðan:
Handbolti.org – viðtal við Elías Má