Þórður Jón Jóhannesson hefur endurnýjað samning sinn við knattspyrnudeild Hauka. Samningurinn er til eins árs. Þórður Jón eða Doddi er uppalinn Haukastrákur og á 63 leiki með meistaraflokki karla og hefur skorað 6 mörk fyrir félagið. Spilaði sína fyrstu leiki með Haukum árið 2011 og hefur verið lykilmaður í Haukaliðinu frá 2018. Einnig á hann 11 leiki með U-16 og U-17.
Knattspyrnudeild Hauka er gríðarlega ánægð með að hafa náð samkomulagi við Dodda og bindur miklar væntingar til hans í sumar. Hann á eftir að stýra miðjunni eins og herforingi og hjálpa liðinu aftur uppí 1.deild.
Áfram Haukar!
Þórður Jón ásamt Igor þjálfara.
Ljósmynd: Hulda Margrét