Sveinn Þorgeirsson, skytta úr Víkingi, hefur gengið til liðs við Íslandsmeistara Hauka. Sveinn er 23 ára og er uppalinn Fjölnismaður. Sveinn var markahæsti leikmaður Víkings á nýliðinni leiktíð með tæp hundrað mörk. Hann er öflugur varnarmaður og sterkur karakter innan vallar sem utan. Sveinn styrkir því lið Hauka fyrir baráttuna á komandi leiktíð, jafnt í deildinni hér heima og utan landsteinanna þar sem félagið stefnir á þátttöku í Evrópukeppninni líkt og í ár. Haukar bjóða Svein velkominn til félagsins og hlakka til að njóta krafta hans á komandi leiktímabilum.