Leikurinn sem allir Hafnfirðingar og þó víða væri leitað hafa beðið eftir er í kvöld, Haukar – FH í N1-deild karla hefst klukkan 19:30 og fer hann fram í Íþróttamiðstöð Hauka, Ásvöllum.
Forsala á leikinn hófst í gær og er enn í fullum gangi en hægt að er að kaupa miða á Ásvöllum en miðaverð er 1000 kr fyrir 16 ára og eldri. En frítt er fyrir yngri en 16 ára.
Búist er við troðfullum Ásvöllum í kvöld og mikilli stemmingu enda leikurinn ekki sýndur í sjónvarpinu og það eru allir sammála um það að leikir þessara liða eru stærstu leikir deildarinnar.
Leikurinn mun vera lýstur hér í beinni textalýsingu þ.e.a.s. ef netið á leikstað mun vera í góðulagi. Textalýsingin hefst um kl. 19:00.
En samt sem áður hvetjum við alla til að fjölmenna á leikinn og sjá topplið N1-deildar karla, Íslandsmeistarana taka á móti Fimleikafélagi Hafnarfjarðar.
Haukar – FH
Ásvöllum
19:30
Fimmtudaginn, 5.febrúar ( í kvöld )