Ragna Margrét Brynjarsdóttir og Helgi Björn Einarsson voru valin körfuknattleikskona og körfuknattleiksmaður Hauka fyrir árið 2009 í jólaveislu körfuknattleiksdeildarinnar s.l. föstudagskvöld.
Þetta er í fyrsta skipti sem annað hvort þeirra er valið körfuknattleikfólk ársins.
Helgi Björn er 20 ára gamall framherji. Helgi er mjög áberandi í leik Haukaliðsins sem er á toppi 1. deildar karla ásamt Skallagrím og KFÍ.
Hann leiðir Haukaliðið í stigum og fráköstum 15.6 stig og 6.9 fráköst
Ragna Margrét er 19 ára gamall miðherji. Ragna er einn besti leikmaður Iceland Express-deildar kvenna en hún er frákastahæsti leikmaður deildarinnar með 11.9 fráköst.
Ragna lék með íslenska landsliðinu í sumar og stóð sig afar vel.
Ragna Margrét og Helgi er bæði enn í unglingaflokki og því ljóst að framtíðin er afar björt á Ásvöllum.