Haukastelpur töpuðu fyrr í kvöld fyrir KR í átta liða úrslitum Subwaybikarsins 65-93. Haukastelpur sem voru búnar að vera á mikilli siglingu og unnið ellefu síðustu leiki sína í deild og bikar mættu ofjörlum sínum í kvöld og stórsigur KR staðreynd.
Þar með er KR komið í undanúrslit og í ár verður bikarúrslitadagurinn án Hauka í kvennaflokknum.
Haukar áttu erfitt uppdráttar mest allan leikinn og var sigur KR sanngjarn.
Henning Henninigsson stjórnaði liði Hauka í kvöld en Yngvi Gunnlaugsson þjálfari liðsins var fjarverandi þar sem kona hans eignaðist dreng deginum á undan.
Stigahæst hjá Haukum var Slavica Dimovska með 37 stig og næst henni kom Telma Fjalarsdóttir með 6 stig.
Hjá KR skoraði Sigrún Ámundadóttir 21 stig.
Myndir frá leiknum á Karfan.is
Mynd: Kristrún Sigurjónsdóttir í leiknum í kvöld – arnarm@haukar.is