Haukar hafa ráðið til sín erlendan leikstjórnanda að nafni Katie Snodgrass fyrir komandi átök í IE – deild kvenna. Leikmaður inn er væntanlegur til landsins í dag og verður að öllum líkindum með Haukum þegar þær mæta Snæfelli í deildinni á morgun á Ásvöllum. Katie hefur leikið undanfarin ár í þýskalandi bæði í 1. og 2. deild og lék síðast með liði Oberhausen í 1. deildinni. Katie er lýst sem miklum íþróttamanni, lunkin með boltann og fínasta skytta.

Katie lék aðeins þrjá leiki með liði Oberhausen á þessari leiktíð en var leyst undan samningi sökum sparnaðar. Í þessum þremur leikjum skorðaði hún 8 stig að meðaltali. Áður en hún gekk til liðs við Oberhausen spilaði hún með liði Osnabrück í 2. deildinni í tvö ár og gerði 19 stig að meðaltali á þessum tveimur árum.

Snodgrass er 175 cm á hæð og getur spilað stöðu bakvarðar eða skotbakvarðar. Hún spilaði með Sothern Nazarena University í Oklahoma og var með tæp 10 stig að meðaltali yfir háskólaferilinn.

Haukar hafa ákveðið að styrkja sig fyrir átökin í 1. deild karla á nýju ári. Hafa þeir ráðið til leiks Landon Quick sem lék með Skallagrími í Iceland Express-deildinni á síðustu leiktíð.

Landon kom til Skallagríms fyrir seinnihlutan á síðustu leiktíð og spilaði 12 leiki í IE-deildinni. Í þessum 12 leikum skoraði hann 20,1 stig að meðaltali, tók 6,7 fráköst og gaf 5,8 stoðsendingar.

Ljóst er að með komu Landon verður Haukaliðið enn sterkara en Haukaliðið er í efsta sæti 1. deildar með 16 stig líkt og Skallagrímur og KFÍ.

Unnið er að því að fá leikheimild fyrir Landon og verður því frumraun hans væntanlega á föstudagskvöldið þegar Haukar spila gegn Skallagrími í Borgarnesi.