Haukar – Fram

Næsti leikur okkar í Pepsideild karla verður nú á fimmtudaginn 16. september kl 17:15. en þá koma Framarar í heimsókn til okkar á Vodafonevöllinn. Þetta er gríðarlega mikilvægur leikur sem við ætlum okkur að sigra. Hvetjum alla til að mæta og styðja okkar menn. Enn og aftur bið ég alla um að taka vel eftir breyttum leiktíma sem stafar af minnkandi birtuskilyrðum. Leikurinn hefst kl 17:15 á Vodafonevellinum.

 Arnar Gunnlaugsson hefur verið frábær í sumar og skoraði dýrmætt mark gegn Grindavík á Sunnudaginn 

 Áfram Haukar 

Haukar – Fram

Stelpurnar gáfu Haukatóninn fyrir daginn og unnu stórsigur á Framdömum á Ásvöllum í dag. Leikurinn endaði 32-15, staðan í hálfleik var 16-9. Haukar voru yfir allan leikinn og aldrei spurning hvoru megin sigurinn endaði. Vörnin frábær og Jenny góð í markinu. Markaskor skiptist tölvert, Harpa var með 6 mörk, Hanna og Nína með 5 hvor, Thelma með 4, Brynja, Heiða og Sonja með 3 hver, Inga Fríða með 2 og Erna Halldórs með 1. Frábær sigur stelpur.