Meistaraflokkur kvenna tryggði sér rétt til að leika í úrslitakeppni um sæti í Pepsí-deild kvenna á næsta ári eftir 3-0 sigur á ÍR í kvöld. Til hamingju Haukastúlkur.
Það er óhætt að segja að mótspyrna ÍR hafi verið lítil í kvöld en leikið var á góðum ÍR-velli í fallegu veðri. Þrátt fyrir markalausan fyrri hálfleik var aðeins spurning hvenær Haukar skoruðu og samtals urðu mörkin þrjú. Markaskorarar kvöldsins voru þær Marcela Franco, Brooke Barbuto og Kristín Ósk Sigurðardóttir.
Með sigrinum í kvöld hafa Haukastúlkur skilað 15 stigum í hús í síðustu fimm leikjum, skorað sautján mörk og Dúfa Dröfn markvörður
hefur haldið markinu hreinu í þessum leikjum. Það er vonandi að þetta góða gengi haldi áfram. Næsti leikur Hauka verður næstkomandi laugardag við Völsung á Húsavík.
Stöðuna í riðlinum og næstu leiki má sjá hér: http://www.ksi.is/mot/motalisti/urslit-stada/?MotNumer=24186
Áfram Haukar!
