Strákarnir okkar mættu fullir sjálfstrausts í Krikann í kvöld er þeir sóttu FH heim og unnu öruggan átta marka sigur 34-26. Þeir byrjuðu leikinn af krafti og sýndu mikla yfirburði frá fyrstu mínútu. Um miðjan fyrri hálfleik var staðan 6-12 og grunnurinn lagður. Í hálfleik höfðu strákarnir okkar skorað 20 mörk á móti 11 mörkum heimamanna. Haukar héldu uppteknum hætti í byrjun síðari hálfleiks og þegar um 10 mín. voru liðnar af honum var staðan 13-26. Lokatölur 26-34.

Sætur sigur og stigin tvö örugg frá upphafi leiks.

Strákarnir okkar héldu uppteknum hætti og sigruðu Fimleikafélagið 23-24 í Kaplakrika í dag.
Bæði lið voru lengi í gang, staðan 1-2 eftir 10 mínútna leik. Eftir það fóru hlutirnir að ganga, heimamenn reyndar yfir 6-5 en þá kom góður kafli hjá strákunum okkar og staðan í hálfleik var 9-14. Seinni hálfleikur lofaði góðu í byrjun 10-16 og öruggri forystu náð, en þá kom slæmur kafli og fimleikadrengir náðu að minnka muninn í eitt mark 18-19. Nær komust þeir ekki og Haukar unnu sanngjarnan sigur 23-24.

Markahæstur var fyrirliðinn, Halldór með 10 mörk.