Karlalið Hauka í handknattleik tekur í ár þátt í Evrópukeppni félagsliða og fer fyrsta umferðin fram um næstu helgi. Liðið hefur í gegnum tíðina spilað alls 94 leiki Evrópukeppnum, sem hlýtur að vera met hér á landi, og kvennalið félagsins 8 leiki.
Í þetta sinn keppa Haukar við sterkt lið frá Hollandi, OCI-Lions, en þeir eru í efsta sæti í hollensku deildinni eftir fyrstu tvær umferðirnar þar í landi. Hollenskur handbolti hefur verið í mikilli sókn undanfarin ár og er það mál manna að þetta lið sé sýnd veiði en ekki gefin.
Samkomulag var á milli félaganna að báðir leikirnir færu fram hér á landi.
· Föstudaginn 13. september n.k.
o Fyrri leikur. OCI-Lions – Haukar
o Ásvellir kl. 19:00
· Laugardaginn 14. september n.k.
o Seinni leikur. Haukar – OCI-Lions
o Ásvellir kl. 17:00
Miðaverð á leikina er kr. 1.500 (sé keypt á báða) en kr. 1.000 fyrir stakan leik.
Takist Haukum að leggja OCI-Lions að velli bíður þeirra annað og stærra verkefni í október eða stórlið S.L. Benfica frá Portúgal.
Mætum öll og styðjum stákana til sigurs!