Það ríkti sannkölluð fjölskyldustemming á Ásvöllum í dag þar sem um 250 manns mættu í dögurð hjá getraunaleik Hauka og kom þar berlega í ljós hversu mikil samstaða er innan félagsins. Margir góðir gestir mættu, Lúðvík Geirsson bæjarstjóri, Ólafur Rafnsson, forseti ÍSÍ, Pétur Hrafn Sigurðsson frá Íslenskri getspá auk okkar allra henna og á staðnum var að sjálfsögðu Guðbrandur Stígur sem er “sérstakur spekingur” um getraunastarf.
Ási Sveins sá um matreiðslu ásamt Palla, Geir, Eiríki, Guðmundi og fleirum góðum aðstoðarmönnum og báru fram miklar kræsingar. Í boði var beikon og egg að hætti enskra, brauð og álegg fyrir svanga og grænmeti og ávextir fyrir þá sem enn eru að ná sér eftir jólasteikina.
Það eru 8 vikur síðan að getraunaleikur Hauka byrjaði og erum við nú þegar búin að skáka öllum öðrum klúbbum á Íslandi hvað varðar fjölda liða og eru Haukar komnir á toppinn í getraunaleiknum og þar ætlum við að vera.
Það er heitt á könnunni á hverjum laugardagsmorgni milli kl 10 og 14 og þangað eru allir velkomnir. Getraunaleikur Hauka er tilvalin vettvangur til að hitta vini og félaga fara yfir liðna viku og spá í leiki dagsins fyrir þá sem það vilja. Það ríkir bjartsýni og gleði á laugardagsmorgnum á Ásvöllum.
Búið er uppfæra stöðuna í riðlunum og er hægt að sjá hana hér til vinstri á síðunni: Getraunaleikur Hauka 221