Ari Gunnarsson stýrir liði Hauka út leiktíðina
Ari Gunnarsson hefur verið ráðinn þjálfari mfl. kvenna og mun hann stýra liðinu út leiktíðina og verður fyrsti leikurinn undir hans stjórn í kvöld er mfl. kvenna heimsækir Breiðablik.
„Við erum mjög ánægð að fá Ara til starfa hjá Haukum. Meistaraflokkur kvenna er í harðri baráttu að komast í úrslitakeppnina og bindum við miklar vonir við að reynsla og þekking Ara hjálpi liðinu að komast í hana,“ sagði Bragi Magnússon formaður kkd. Hauka.
Ari er reynslumikill þjálfari og hefur þjálfað víða m.a. lið Hamars, KR, Skallagrím og Vals í úrvalsdeild kvenna.
„Ég er ánægður að til mín sé leitað í þetta verkefni. Haukar er með gott lið og á að vera í úrslitakeppninni og vona ég að allir stefni þangað,“ sagði Ari.
Leikur Breiðabliks og Hauka hefst kl. 19:15 í kvöld.