Haukastelpur unnu góðan sigur á Hamri í kvöld í undanúrslitum Iceland Express-deild kvenna en þetta var fyrsti leikur liðanna.
Það lið sem fyrr sigrar í þremur leikjum fer áfram.
Það var greinilegt að Haukaliðið var ryðgað eftir tveggja vikna pásu en stelpurnar sátu hjá í forkeppni að úrslitakeppninni.
Eftir nokkuð dapran fyrri hálfleik þar sem Hamar leiddi 27-30 sýndu Haukastelpur styrk sinn í þeim seinni og unnu að lokum 66-61.
Þar með hafa þær tekið forystuna í einvíginu en næsti leikur er annað kvöld í Hveragerði.