Strákarnir okkar tryggðu sér tvö góð stig á móti ÍR í Austurberginu í kvöld. Lokatölur 29-33.
Leikurinn var frekar jafn í byrjun, ÍR var þó ávallt undan að skora. Í stöðunni 6-6 bilaði klukkan og langt hlé varð á leiknum. Heimamenn héldu áfram forystu 9-7 en þá fundu strákarnir okkar loksins taktinn, skoruðu næstu sjö mörk og breyttu stöðunni í 9-14. Í hálfleik var staðan 14-18 og það sem eftir lifði leiks héldu okkar menn góðri forystu. Mestur var munurinn 7 mörk en undir lokin slökuðu okkar menn á og ÍR náði að minnka aðeins muninn en sigurinn var aldrei í hættu.