Íþróttaskóli Hauka 2017

Íþróttaskóli Hauka verður starfræktur sumarið 2017 fyrir börn fædd 2005-2010 með svipuðu sniði og áður.  Skólinn hefur verið starfræktur frá árinu 2007 og er óhætt að segja að börn og foreldrar hafi tekið þessu framtaki Hauka mjög vel. Yfir 1300 börn sóttu skólann hér síðasta sumar. Íris Óskarsdóttir og Emil Barja munu sjá um skólann í sumar. Íris er með BA gráðu í tómstundar- og félagsmálafræði frá HÍ og Emil BSc í íþróttafræði frá HR.

Beinn sími hjá Íþróttaskóla Hauka er 788-9200.

Íþróttaskólinn er sameiginlegt verkefni allra deilda félagsins þar sem lögð er áhersla á fjölbreytta hreyfingu, þjálfun og námskeið við allra hæfi. Gert er ráð fyrir að iðkendur fái að kynnast sem flestum íþróttagreinum. Allir kennarar skólans hafa mikla reynslu af þjálfun yngri barna.

Boðið er upp á gæslu frá 08:00-09:00 á morgnana, einnig er boðið upp á heitan hádegismat fyrir þá sem eru allan daginn hjá okkur og einnig fyrir þá sem eru hálfan daginn og eru að fara á æfingu beint í framhaldi. Þetta sumarið er gæsla innifalin í verði.

Við höfum opnað facebooksíðu og er slóðin https://www.facebook.com/Ibrottaskolihauka. Gott er að fólk sé duglegt að fylgjast með þar inni því þar munum við setja inn myndir, hvað við erum að gera dag frá degi – breytingar á námskeiðum ef það verður og margt fleira.

Lýsing námskeiða

Lögð er áhersla á mikla hreyfingu á námskeiðinu.  Miklil hreyfing með bolta og þjálfum námskeið við allra hæfi.  Allir eru velkomnir í skólann.
Morgun námskeið byrja kl. 09:00 og er mæting í samkomusalnum á Ásvöllum.   Gæsla verður fyrir iðkendur frá kl. 8:00 – 9:00 í samkomusalnum á Ásvöllum.  Námskeiðinu lýkur kl. 12:00 nema ef viðkomandi iðkandi er í mat.
Seinni parts námskeið byrja kl. 13:00 og er mæting í samkomusalnum á Ásvöllum.
Námskeiðinu lýkur kl. 16:00 og er hægt að sækja börnin í samkomusalnum – ATH engin gæsla er frá kl. 16:00 – 17:00.
Starfsfólk Íþróttaskólans mun taka á móti öllum börnum og sjá til þess að allir komist á réttan stað.
Í júlí er ekki boðið upp á námskeið eftir hádegi, einungis frá kl. 08:00 – 12:00.  Eins er hádegismatur ekki í boði í júlí.  (vika 5-8)

Öll námskeið eru vikunámskeið.

Skólinn er opinn fyrir alla Hafnfirðinga og nærsveitarmenn.

Vikur sem í boði eru:

1.   12. – 16. júní          (Heilsdagsnámskeið, karfa, handbolti, knattspyrna, fjölgreina)
2.   19. – 23. júní         (Heilsdagsnámskeið, karfa, handbolti, knattspyrna, fjölgreina)
3.   26. – 20. júní         (Heilsdagsnámskeið, karfa, handbolti, knattspyrna, fjölgreina)
4.   3. júlí – 7. júlí        (Heilsdagsnámskeið, karfa, handbolti, knattspyrna, fjölgreina)
5.   10. – 14. júlí           (Námskeið fyrir hádegi, eingöngu fjölgreina og knattspyrnámskeið + leikskólabörn)
6.   17. – 21. júlí           (Námskeið fyrir hádegi, eingöngu fjölgreina og knattspyrnámskeið + leikskólabörn)
7.   24. – 28. júlí          (Námskeið fyrir hádegi, eingöngu fjölgreina og knattspyrnámskeið + leikskólabörn)
8.  31. júlí – 3. ágúst   (4 dagar) (Námskeið fyrir hádegi, eingöngu fjölgreina og knattspyrnámskeið + leikskólabörn)
9.    8. – 11. ágúst (4 dagar) (Heilsdagsnámskeið, karfa, handbolti, knattspyrna, fjölgreina)
10. 14. – 18. ágúst         (Heilsdagsnámskeið, karfa, handbolti, knattspyrna, fjölgreina)

Hádegismatur Hádegismaður er í boði fyrir þá sem eru allan daginn og er hann þá innifalin í verði. Einnig geta þeir sem eru hálfan daginn keypt hádegismat og kostar vikan — (— fyrir 4 daga viku). Hádegismatur er aðeins í boði frá 12. júní – 7.júlí og 8.ágúst-18.ágúst.

Þátttökugjöld Heilsdagsskóli kostar  með mat 14.000 kr. vikan. Hálfdagsskóli kostar með mat 9.000 kr. Hálfsdags skóli án matar kostar kr. 6.000 kr.

Skráningar Tekið verður við skráningum á vef Hafnarfjarðarbæjar, mínar síður, undir niðurgreiðslur og þar valið Haukar, frá og með 18. maí.  Við skráningu þarf að ganga frá greiðslu.  Hægt er að greiða með kreditkorti eða greiðsluseðlum. Einnig er hægt að taka við skráningu og greiðslu á staðnum, er komið er með barnið, posi á staðnum og einnig hægt að borga með peningum.

Í sumar verður boðið upp á systkynaafslátt, 15%, en til að geta nýtt sér þann afslátt þá verður að skrá á staðnum. ATH ekki er systkynaafsláttur af hádegismat.

 

Þessi skólar eru í boði sumarið 2017:

Fjölgreinaskóli Hauka fyrir 6-12 ára (2005-2010) Námskeið fyrir hádegi allt sumarið. Námskeið eftir hádegi og allan daginn 12. júní –  7. júlí og 8.- 18. ágúst.
Fjölbreytt íþrótta- og leikjanámskeið við allra hæfi, jafnt fyrir byrjendur sem lengra komna íþróttaiðkendur. Skipt er í hópa eftir aldri, getu og vinatengslum svo að allir fái að njóta sín. Öðru hverju er dagskráin brotin upp og farið í sundferð, gönguferð, hjólatúr o.s.frv. sem verður þá auglýst með góðum fyrirvara. Yfirumsjón með fjölgreinaskólanum verður í höndum Emils Barja

Körfuboltaskóli fyrir 6-12 ára (2005-2010) Námskeið fyrir hádegi 12. júní – 7. júlí og 8.- 18. ágúst. Körfuboltaskólinn er fyrir þá sem langar að bæta við sig kunnáttu í körfubolta. Settar verða upp æfingar sem auka boltafærni, farið í leiki og spilaður körfubolti. Það eru allir velkomnir, byrjendur sem lengra komnir. Aðalþjálfarar eru Emil Barja og Kári Jónsson.

Handboltaskóli fyrir 6-12 ára  (2005-2010)  Námskeið fyrir hádegi 12. júní – 7. júli og 8.- 18. ágúst Handboltaskólinn er fyrir þá sem langar að bæta við sig kunnáttu í handbolta. Settar verða upp æfingar sem auka boltafærni, farið í leiki og spilaður handbolti. Það eru allir velkomnir, byrjendur sem lengra komnir. Aðalþjálfarar eru Brynjólfur Snær Brynjólfsson og Vilborg Pétursdóttir.

Íþróttaleikskólinn fyrir 2-5 ára (2011-2014) Námskeið fyrir hádegi 10. júlí – 3. ágúst. Íþróttaleikskólinn verður í boði í 4 vikur þegar leikskólarnir fara í sumarfrí. Námskeiðið verður í anda leikjaskóla barnanna sem er starfræktur á veturna hjá Haukum þar sem markmiðið er að börnin fái jákvæð og skemmtileg fyrstu kynni af ýmsum leikjum og íþróttum. Skólinn fer fram inni í íþróttasalnum. Foreldrar eru hjartanlega velkomnir að vera með börnum sínum. Íris Óskarsdóttir hefur yfirumsjón með íþróttaleikskólanum í sumar en hún er með BA gráðu í tómstundar- og félagsmálafræði frá HÍ og hefur séð um frístundaheimili Hauka

Fótboltaskóli Hauka fyrir 6-12 ára (2005-2010Knattspyrnudeild Hauka býður upp á frábær knattspyrnunámskeið á Ásvöllum sumarið 2017.  Námskeið fyrir hádegi í allt sumar. Á námskeiðunum verður lögð áhersla á grunntækni í knattspyrnu og einstaklingsþjálfum í knattspyrnu. Að auki er boðið uppá námskeið fyrir eldri krakka (sjá neðar).

Öðru hverju er dagskráin brotin upp og farið í sundferð, gönguferð, hjólatúr, osfrv, sem verður þá alltaf auglýst með góðum fyrirvara.

Heilsdagsnámskeið verða ekki í boði í júlí, frá 7. júlí.

 

Æft eins og atvinnumaður 10 – 15 ára í umsjón Knattspyrnudeildar Hauka. Knattspyrnudeild Hauka býður í ár aftur upp á afreksnámskeið í samstarfi við knattspyrnuþjálfunar félagið Ask Luka ehf. Námskeiðið er ætlað strákum og stelpum á aldrinum 10 til 15 ára, (það er iðkendum í 4. og 5 flokki.) undir yfirskriftinni „æft eins og atvinnumaður“. Námskeiðin eru hluti af starfsemi knattspyrnuskóla Hauka sem fer fram á Ásvöllum í sumar. Á námskeiðunum verður lögð áhersla á grunntækni í knattspyrnu og einstaklingsþjálfum.   Í tengslum við kennsluna verða videofundir þar sem farið verður yfir tækniatriði. Hvert námskeið nær yfir eina viku, 4 tíma á dag. Námskeiðin hefjast stundvíslega kl. 9:30, en gert er ráð fyrir að nemendur mæti upp úr 9.  Þeim lýkur kl. 13:25.   Námskeiðin eru eftir atvikum tengd við æfingatíma knattspyrnudeildar. Almennt verð fyrir viku námskeið er kr. 12.000. Nánari upplýsingar og skráning á námskeiðin eru á heimasíðunni www.askluka.is. Dagur á námskeiðinu gæti verið þannig:
09:30 – grunntækni; 10:30 – einstaklingsþjálfum; 11:30 – videofundur; 12:00 – matur; 12:30 – gestur; 13:00 – skemmtilegir leikir sem og skallatennis og fleira; 13:25 – lok námskeiðs.

Yfirþjálfarar skólans verða Alexander Freyr Sindrason, fyrirliði meistaraflokks karla, Birgir Magnússon leikmaður meistaraflokks karla einnig mun Fanndis Friðriksdóttir landsliðkona i fotbolta mæta og kenna ýmis atriði.
Námskeiðin verða síðan brotin upp með skemmtilegum uppákomum, svo sem heimsóknum atvinnumanna, landsliðsfólks og þjálfara í fremstu röð og fleira skemmtilegt.
Námskeiðin byrja í júní og standa yfir í allt sumar eða frá skólaslitum grunnskóla í júní til byrjunar skólaárs í ágúst.  Námskeiðin eru eftir atvikum tengd við æfingatíma knattspyrnudeildar.

Fótboltanámskeiðin verða haldin á eftirfarandi tímum.

1. vika  12. – 16. júní
2. vika  19. – 23. júní
3. vika  26. – 30. júní
4. vika  3. – 7. júlí
5. vika  10. – 14. júlí
6. vika  17. – 21. júlí
7. vika  24. – 28. júlí
8. vika  31. júlí – 3. ágúst  (4 dagar)
9. vika  8. – 11. ágúst  (4 dagar)
10. vika  14. – 18. ágúst

Æfingar í sumar fyrir 12 ára (fæddir 2005) og eldri, handbolti og körfubolti.

í sumar verða æfingar fyrir eldri iðkendur hjá handknattleik- og körfuknattleiksdeild með breyttu sniði. Deildirnar munu hafa fastar æfingar frá kl. 16:00 á virkum dögum með þjálfara og mun nánari upplýsingar verða kynnt fljótlega, þ.m.t verð, æfingatafla og þjálfarar.