Leikjaskóli barnanna.
Leikjaskóli barnanna er fyrir aldurinn 2-5 ára. Markmið leikjaskólans er að kynna iðkendum fyrir íþróttasalnum og áhöldum þar inni. Þá er farið í grunn hinna ýmsu greina ásamt grunnhreyfingum barna. Hér er lagt mikil áhersla á að iðkendur fái að njóta sín í faðmi forráðamanna sem eru með þeim allan tímann til halds og trausts. Hér fá börnin samverutíma í íþróttasalnum með forráðamönnum svo og undirbúningur fyrir skólavist er hafin.
Leikjaskólinn hefst aftur eftir sumarfrí, laugardaginn 15. september 2018 og verða báðir hóparnir á sama tíma, sjá hér fyrir neðan.
Yngri hópur, 2-3 ára (fædd 2015-2016) á laugardögum kl. 9:00 – 10:00 í íþróttahúsinu á Ásvöllum.

Eldri hópur, 4-5 ára (fædd 2013-2014) á laugardögum kl. 9:00 – 10:00 í íþróttahúsinu á Ásvöllum.

Þjálfari leikjaskólans verður Albert Magnússon en hann er okkur að góðu kunnur og hefur þjálfað hjá félaginu í mörg ár. Með honum verða einnig aðstoðarþjálfarar.

Öll börn eru hjartanlega velkomin – sjáumst hress í Leikjaskólanum.

Verð fyrir haustönn 2018 er kr. 13.000- og heimilt er að greiða gjaldið í tvennu lagi. Skráning fer fram á ,,Mínum síðum“ á vef Hafnarfjarðarbæjar.