Haukar.is
Félagið mitt

Æfingatafla knattspyrnudeildar er komin á heimasíðuna, undir æfingatöflur hér hægra megin.

Við viljum biðja foreldra að taka æfingatímum með fyrirvara þar sem verið er að vinna í þjálfaramálum.

Flokkaskipti verða í eftirtöldum flokkum frá og með mánudeginum nema að annað komi fram á bloggsíðum flokkanna:
8. flokki barna
7. flokki karla og kvenna
6. flokki karla og kvenna
5. flokki karla og kvenna
4. flokki karla og kvenna

Aðrir flokkar klára tímabilið og mun þjálfari láta vita um flokkaskipti.

Æfingar hefjast samkvæmt nýrri æfingatöflu mánudaginn 30. ágúst.

Æfingatöflur körfuknattleiksdeildar og handknattleiksdeildar eru komnar á heimasíðuna undir æfingatöflur hér hægra megin á síðunni.

Þessar töflur eru birtar með fyrirvara um breytingar og viljum við biðja foreldra að vera duglega að fylgjast með breytingum. Þjálfarar munu einnig tillkynna æfingatíma, og ef það verða einhverjar breytingar, á bloggsíðum.

Æfingar hefjast mánudaginn 30. ágúst samkvæmt æfingatöflu.

Æfingatafla knattspyrnudeildar kemur á heimasíðuna á morgun föstudag ásamt tilkynningu um hvenær flokkaskiptin fara fram. Þessar upplýsingar er einnig hægt að nálgast á bloggsíðum flokkanna.

Æfingatöflur vetrarins verða settar á heimasíðuna á fimmtudaginn kemur, 26. ágúst.

Ástæða seinkunnar eru breytingar sem þarf að gera og betra er að setja rétta töflu en að vera alltaf að breyta.

Við biðjum foreldra að sína þolinmæði og fylgjast með á heimasíðunni.

Æfingatöflur boltadeildanna verða birtar á heimasíðunni þriðjudaginn 24. ágúst.

Vetrarstarfið fer síðan af stað samkvæmt æfingatöflum mánudaginn 30. ágúst.

Minnum á bloggsíður flokkanna en þangað fara allar þessar upplýsingar en hægt er að finna bloggsíðurnar hér vinstra megin á síðunni undir "Deild", "Yngri flokkar", velja flokkinn og þar veljið þið bloggsíðu flokksins.

Síðasta vika Íþróttaskóla Hauka þetta sumarið styttist um einn dag. Þetta er vikan 16.-19. ágúst sem verður þá frá mánudegi til fimmtudags (föstudagurinn fellur niður). Ástæðan er sú að framhaldsskólarnir byrja þá og erum við þá komin í vandræði með starfsfólk.

Verð fyrir þessa viku er 2.000 fyrir hálfan dag og 4.000 fyrir heilan dag.

Látinn er okkar góði félagi og fyrrum formaður, Garðar Halldórsson.

Hann var formaður félagsins 1969-1973. Garðar átti hugmyndina að því að breyta fiskvinnsluhúsi Jóns Gíslasonar í íþróttahús - Haukahúsið við Flatahraun. Garðar var alla tíð styrk stoð í því félags- og uppbyggingastarfi sem unnið hefur verið að til dagsins í dag.

Félagið sendir ættingjum og vinum innilegar samúðarkveðjur og þakkar liðnar ánægjustundir.

Íþróttaskóli Hauka mun á morgun, fimmtudag, fara á Bessastaði til að vera við komu eistlenska forsetans.

Lagt verður af stað kl. 09:30, þannig að mikilvægt er að mæta tímanlega með börnin í skólann. Það er ekki nauðsynlegt að taka með sér nesti fyrir morgunkaffið þar sem börnin fá hressingu eftir móttökuna.

Komið verður til baka fyrir hádegismat.

Mikilvægt er að börnin komi klædd eftir veðri.