Haukar.is
Félagið mitt

Í íslenska boltanum síðastliðið mánudagskvöld var umfjöllun um leik Hauka og Njarðvíkur í Domino´s deild kvenna. Rætt var við þjálfara og leikmenn.

Einnig var rætt við tölfræðitröllið Ásgeir Einarsson sem sér um beina tölfræðilýsingu á heimaleikjum Hauka. Ási hefur undanfarin ár séð um tölfræðina hjá Haukum og er hokin af reynslu þrátt fyrir ungan aldur.

Umfjöllun um leikinn hefst á mínútu 35:04 og rætt er við Ása á mínútu 37:07.

Brynjar Brynjarsson er í brennidepli á Facebook síðu KKÍ.

Brynjar sem er einn efnilegasti leikmaður Hauka frá upphafi stjórnar nú Marshall Community College í bandaríkjunum við góðan orðstír.

Haukar voru með tvo fulltrúa í 16 liða úrslitum Poweradebikarsins, meistaraflokkinn og B-liðið.

Liðin léku leiki sína síðastliðinn sunnudag og mánudag og því miður töpuðust báðar viðureignir.

Haukar B fengu Njarðvík í heimsókn á sunnudaginn og urðu fyrir algjörri slátrun þar sem að Njarðvík vann 57-112.

Meistaraflokkur Hauka fékk ÍR í heimsókn á mánudagskvöldið og þrátt fyrir gríðarlega góða spilamennsku í öðrum og þriðja leikhluta þá sigraði ÍR 78-95.

Stjórn körfuknattleiksdeildar Hauka og Pétur Rúðrik Guðmundsson þjálfari hafa komist að samkomulagi um að hann stigi til hliðar og hætti sem þjálfari meistaraflokksliðs Hauka.

Samstarf við Pétur hefur verið með ágætum og er honum þökkuð góð samvinna og framlag hans við uppbyggingu liðsins.

Ívar Ásgrímsson sem er yfirþjálfara yngri flokka hjá deildinni mun taka við af Pétri og klára keppnistímabilið samhliða því að þjálfa yngri flokka.

Einnig hefur verið gert samkomulag við Aaryon Williams um að hann hætti að leika með liðinu og er leit hafinn að eftirmanni hans.

f.h. kkd. Hauka
Samúel Guðmundsson formaður

Haukar fengu Grindavík í heimsókn í gærkvöldi í 14. umferð Dominosdeildar kvenna þar sem þær sigruðu 73-64. Þetta er þar með þriðji sigurinn í seinustu fjórum deildarleikjum og stelpurnar á góðri siglingu og í baráttu við Val um 4. sætið í deildinni. Haukastúlkur fara því í jólafrí í góðu skapi en þær töpuðu gegn KR, 83-67, í DHL-Höllinni í leiknum þar á undan.