Körfuknattleiksdeild
Haukar styrkjast enn fyrir komandi átök í Iceland Express deild kvenna í vetur. Íris Sverrisdóttir sem er ung og mjög efnilegur leikmaður skrifaði í gær undir samning við Hauka um að leika með liðinu næsta vetur.Íris á þegar að baki 3 A-landsleiki og var lykilmaður í liði Grindavíkur á síðustu leiktíð.
Íris mun styrkja liðið mjög næsta vetur en hún er fjórði leikmaðurinn sem kemur til liðs við Haukana fyrir næsta vetur en liðið mun verða mjög sterk á komandi vetri þar sem leikmannahópurinn frá síðasta tímabili er nánast óbreyttur.
Í dag var endurnýjaður samningur milli Actavís og Körfuknattleiksdeildar Hauka. Actavís hefur undanfarin 6 ár verið aðalstyrktaraðili körfuknattleiksdeildarinnar. Í kjölfar góðs árangurs Hauka á síðasta ári ákvað Actavís að styðja enn betur við það grósku mikla starfi sem unnið er innan Körfuknattleiksdeildar Hauka. Á síðasta keppnistímabili varð meistaraflokkur kvenna bikarmeistari og meistaraflokkur karla vann sig upp í efstu deild. Þá unnu yngri flokkar Hauka í körfubolta 5 íslands- og bikarmeistaratitla á liðnu keppnistímabili þannig að ljóst er að framtíðin er björt hjá Haukum. 
Haukum hefur borist liðsstyrkur fyirr komandi átök í Iceland Express-deildinni á næstu leiktíð en Gerald Robinson hefur skrifa undir samning við félagið.
Körfuknattleiksdeild Hauka og tvær uppaldar Haukastúlkur skrifuðu undir leikmannasamning í síðustu viku, en þetta eru þær Ragna Margrét Brynjarsdóttir landsliðsmiðherji og hinn fjölhæfi bakvörður Kristín Fjóla Reynisdóttir. Báðar þessar stelpur hafa spilað með Haukum gegnum nánast alla yngri flokka og unnið saman marga titla á ferlinum. Þær hafa einnig fylgst að í yngri landsliðum Íslands og verið landi og þjóð til sóma hvar sem þær koma. Ragna Margrét hefur einnig verið fastamaður í A landsliði íslands undanfarin misseri.
