Það var bjartur dagur fyrir meistaraflokk kvenna í síðustu viku þegar hinn eitilharði þjálfari Henning Henningsson skrifaði undir nýjan samning um þjálfun kvennaliðs Hauka. Það kom að sjálfsögðu aldrei neitt annað til greina en að Henning héldi áfram með liðið og því aðeins um formsatriði að ræða. Liðið náði frábærum árangri undir hans stjórn á síðasta tímabili, landaði bikarmeistaratitli og datt út í undanúrslitum íslandsmótsins, eftir að hafa staðið vel upp í hárinu á hinu sterka liði KR, sem á endanum hampaði titlinum.
Við óskum Henning og Haukastelpum velfarnaðar á komandi tímabili og vonandi að uppskeran verði ekki síðri en á því síðasta.
