Haukastúlkur gerðu góða ferð í Stykkishólm í kvöld þegar þær mættu heimastúlkum í Snæfelli. Stórsigur vannst 55-91 og Haukar sitja áfram í efsta sæti B-riðils.
Haukar kláruðu dæmið strax í fyrri hálfleik og var sigur þeirra aldrei í hættu. Staðan eftir fyrsta leikhluta var 6-23 og 14-46 í hálfleik. Snæfellingar bitu aðeins frá sér í þriðja leikhluta og unnu þann leikhluta með 10 stigum.
Stigahæst í Haukaliðinu var engum að óvörum Heather Ezell með 32 stig, 12 fráköst og 6 stoðsendingar en næst henni var Guðrún Ámundadóttir með 13 stig.
