Haukar í horni er stuðnings- og styrktarfélag Hauka. Einstaklingum og fyrirtækjum gefst báðum kostur á því að gerast meðlimir í Haukum í horni. Félagið var stofnað árið 1990 af handknattleiksdeild Hauka með það markmið að fjármagna komu tékkneska landsliðsmannsins Petr Baumruk til Hauka. Má segja að þetta framtak hafi hitt beint í mark. Bæði reyndist Baumruk okkur góður og mikilvægur leikmaður og fyrirmyndar félagi. Einnig hefur myndast góður félagsskapur og mikil stemning í kringum Hauka í horni. Stuðnings- og styrktarfélagið er þvi orðið hornsteinn í starfi Hauka.
Handknattleiks-, knattspyrnu- og körfuknattleiksdeildirnar hafa nú tekið höndum saman um rekstur meistaraflokkana. Meistaraflokkar félagsins verða því framvegis reknir saman undir Rekstrarfélagi Hauka. Ákveðnum hluta af tekjum Hauka í horni er ráðstafað til barna og unglingastarfs félagsins með kaupum á boltum, búningum og öðrum búnaði.
Það eru mikil gleðitíðindi fyrir okkur Haukafólk að við séum að sameinast undir einum hatti og verður hið sterka stuðnings- og styrktarfélag Haukar í horni því félagið okkar allra!
Hvað er innifalið í pakkanum, Haukar í horni?
Haukar í horni - Gullfélagi
- Ársmiði á alla deildarleiki Hauka í meistaraflokki karla og kvenna(fótbolti, handbolti og körfubolti). Gildir ekki á bikarleiki, evrópuleiki og oddaleiki í úrslitakeppni
- Merkt sæti í stúkunni
- Aðgangur að VIP herbergi á leikdag hjá öllum deildum
- Léttar veitingar á leikdag i VIP herbergi
- Þjálfarateymið leggur línurnar fyrir leik og fer yfir stöðuna í hálfleik
- 1-2 máltíðir á hverri leiktíð með leikmönnum og þjálfurum í hverri deild fyrir sig (fótbolti, handbolti og körfubolti)
- Regluleg fréttabréf með stórum og smáum fréttum um meistaraflokkana og starfið
- Verð: 3.300 krónur á mánuði í 12 mánuði á ári. Hjón: 5.500 krónur á mánuði í 12 mánuði á ári
Haukar í horni - Silfurfélagi
- Ársmiði á alla deildarleiki Hauka í meistaraflokkikarla og kvenna(fótbolti, handbolti og körfubolti). Gildir ekki á bikarleiki, evrópuleiki og oddaleiki í úrslitakeppni
- Aðgangur að VIP herbergi á leikdag hjá öllum deildum
- Léttar veitingar á leikdag i VIP herbergi
- Þjálfarateymið leggur línurnar fyrir leik og fer yfir stöðuna í hálfleik
- 1-2 máltíðir á hverri leiktíð með leikmönnum og þjálfurum í hverri deild fyrir sig (fótbolti, handbolti og körfubolti)
- Regluleg fréttabréf með stórum og smáum fréttum um meistaraflokkana og starfið
- Verð 2.500 krónur á mánuði á ári. Hjón: 4.000 krónur á mánuði í 12 mánuði á ári
Allar upplýsingar um Hauka í horni veita:
Ásdís Geirsdóttir s: 698-7182 eða Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.
Gréta Grétarsdóttir s: 660-2767 eða Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.
Hægt er að skrá sig hér í Hauka í horni.
