Haukar.is
Félagið mitt

Síðasta Laugardag tryggðu Haukar sér sæti í 8 liða úrslitakeppni íslandsmótssins með sigri á Fylki 31-18.  Ljóst var strax frá fyrstu mínútu að Hauka stelpur ætluðu sér í úrslitakeppnina. Það var mikil skemmtun fyrir áhorfendur á fylgjast með stelpunum í þessum leik sem geisluðu af baráttuvilja og leikgleði.  Viktoría Valdimarsdóttir átti stórleik og skoraði 11 mörk fyrir Hauka. 

Mörk Hauka: Viktoría 11, Marija 7, Karen Helga 4, Áróra Eir 2, Díana S. 2, Gunnhildur 2, og þær systur Ragheiður 2  og Sjöfn 1.

Nú er ljóst að yngsta lið deildarinnar, Haukar mæta elsta liðið deildarinnar Val í 8-liða úrslitum sem hefst í byrjun apríl.

Haukar eiga heimaleik í N1-deild karla í handbolta á fimmtudaginn nk. og eru andstæðingar okkar Valsarar.

Ólíkt hafast liðin að í deildinni um þessar mundir, Valsarar heyja harða fallbaráttu og eru sem stendur í neðsta sæti deildarinnar en við Haukar höfum þegar tryggt okkur Deildarmeistaratitlinn.

Titilinn verður einmitt afhentur með viðhöfn eftir leikinn og hvetjum við allt Haukafólk til að koma og fagna með okkur þessum stóra og merka áfanga.

Gestirnir þurfa nauðsynlega á stigunum að halda en okkar drengir þurfa líka á sigri að halda til að rífa sig upp og gera sig klára fyrir úrslitakeppnina um sjálfan Íslandsmeistaratitlinn.

Haukafólk, mætum öll, styðjum strákana til sigurs og fögnum Deildarmeistaratitlinum á fimmtudag. Leikurinn hefst kl.19:30.

Haukar eru Deildarmeistarar í N1-deild karla í handbolta árið 2013. Þetta varð reyndar ljóst á fimmtudag þegar FH tapaði gegn HK, en með því tapi gátu FH-ingar ekki lengur náð Haukum að stigum.

Okkar menn eru mjög vel að titlinum komnir og hafa lengst af í vetur haft mikla yfirburði í deildinni þrátt fyrir að aðeins hafi gefið á bátinn sl. vikur. Að sjálfsögðu látum við það ekki á okkur fá og fögnum þessum stóra titli, sem er uppskera mikillar vinnu í vetur. Til hamingju strákar, þjálfarar og allt Haukafólk!

Strákarnir léku gegn Fram í dag í beinni útsendingu á Rúv og er óhætt að segja að þetta hafi ekki verið góður leikur af hálfu þeirra rauðklæddu. Eitthvað slen virkaði yfir liðinu og tapaðist leikurinn 17-25.

Nánar er hægt að lesa ítarlega umfjöllun og viðtöl frá visi.is með því að smella hér 

Á laugardag halda Haukar upp í Safamýri til að etja þar kappi við heimamenn í Fram í N1-deild karla í handbolta. Leikurinn hefst kl.15:00 og má þess geta að hann er sýndur í beinni útsendingu á Rúv þó við hvetjum að sjálfsögðu Haukafólk til að fjölmenna á staðinn og styðja strákana til sigurs.

Fram-liðið er það heitasta í deildinni um þessar mundir og eru á mikilli sigurgöngu, sem telur eftir því sem undirritaður kemst næst 9 leiki í röð núna. Það er því ljóst að erfiður leikur bíður Haukaliðsins en svo sannarlega spennandi leikur fyrir áhorfendur að sjá.

Áfram Haukar!

Síðasta umferð N1-deildar kvenna í handbolta þennan veturinn fer fram um helgina. Haukastelpur taka þá á móti Fylki í Schenkerhöllinni kl.13:30 á laugardag.

Leikurinn er afar mikilvægur Haukaliðinu því með sigri gulltryggja þær sæti sitt í úrslitakeppninni um Íslandsmeistaratitilinn, sem hefst síðar í mánuðinum.

Takist Haukum að komast í úrslitakeppni, bíða þeirrar Deildar og nýkrýndir bikarmeistarar Vals. Frítt er á völlinn og við hvetjum allt Haukafólk til að fjölmenna á leikinn og styðja stelpurnar til sigurs!