Haukar tryggðu sér sex stiga forystu í N1 deild karla í gær með því að sigra Gróttu 22-25 á Seltjarnarnesi. Haukastrákarnir þurftu heldur betur að hafa fyrir sigrinum því Gróttuliðið barðist eins og ljón og leiddu leikinn frá lokum fyrri hálfleiks og fram undir miðbik seinni hálfleiks. Markvarslan var sterk hjá Haukum eins og fyrri daginn en Birkir Ívar varði um 23 skot. Sigurbergur Sveinsson var markahæstur með 11 mörk, þar af fimm úr vítum, og Elías Már kom næstur með 7 mörk. Tjörvi Þorgeirsson átti einnig góðan leik fyrir Hauka. Nú liggur fyrir hvernig þriðja umferðin verður leikin og hún hefst með Hafnarfjarðarslag á fimmtudaginn þegar Haukar sækja FH heim í Kaplakrika. Sá leikur hefst kl. 19:30 á fimmtudag.
Leikir Hauka í þriðju umferðinni verða sem hér segir:
Fim. 11.mar. 2010 19.30 Kaplakriki FH - Haukar
Fim. 18.mar. 2010 19.30 Ásvellir Haukar - Grótta
Mán. 22.mar. 2010 19.30 Framhús Fram - Haukar
Fim. 25.mar. 2010 19.30 Ásvellir Haukar - Valur
Mið. 31.mar. 2010 19.30 Digranes HK - Haukar
Mán. 5.apr. 2010 19.30 Ásvellir Haukar - Stjarnan
Fim. 8.apr. 2010 19.30 Ásvellir Haukar - Akureyri
