Haukar.is
Félagið mitt

 Mánudaginn 5. Júlí kl 19:15 tökum við á móti Fylki á Vodafonevelli í Pepsideild karla. Það er mikilvægt að allir mæti og styðji okkar menn því með sigri komumst við úr fallsæti. Markmið sumarsins eru óbreytt, að halda sér uppi. Það eru gríðarlega góð batamerki á leik liðsins og fyrsti sigur okkar í deildinni mun líta dagsins ljós nú á mánudaginn. Mætum öll og styðjum við bakið á strákunum.

Áfram Haukar!! 

Það voru engin mörk skoruð í leik Hauka og Fram í Pepsi-deild karla sem fram fór á Laugardalsvellinum í gær. Haukar fengu þar með sitt fjórða stig í deildinni í sumar og öll hafa þau komið á útivelli.

Í byrjunarliði Hauka voru hvorki fleiri né færri en 8 uppaldir leikmenn Haukamenn, allir að undanskyldum Daða Lárussyni, Gunnari Ormslev Ásgeirssyni og Arnari Gunnlaugssyni. Þetta er eitthvað sem fá lið í Pepsi-deildinni og líklegast í öllum deildum hér á landi geta montað sig yfir. 

Næsti leikur Hauka er gegn Fylki á Vodafone-vellinum klukkan 19:15 næstkomandi sunnudag.

Næstkomandi miðvikudag 30. júní mæta stelpurnar okkar í Kópavoginn og mæta þar Breiðablik kl 19:15. Stelpurnar mæta fullar sjálfstrausts eftir frábæran sigur á Aftrueldingu í bikarkeppninni á laugardaginn síðasta. Nú mætum við öll og styðjum stelpurnar til sigurs. Áfram Haukar

Haukastúlkur komust áfram í 8 liða úrslit Visabikar kvenna með 2-0 sigri á Aftureldingu.

Haukastúlkur hófu leikinn af miklum krafti og komust í eitt núll í fyrri hálfleik með marki Rebeccu Wise. Þegar seinni hálfleikur hófst var eins og Haukastúlkur ætluðu að halda fengnum hlut og drógu sig til baka. Eftir nokkrar snarpar sóknir Aftureldingar þá tóku Stúlkurnar okkar aftur völdin á vellinum.

Stelpurnar spiluðu eftir það mjög vel og uppskáru mark sem Dagbjört Agnarsdóttir skoraði. Auk þessara tveggja marka þá áttu stelpurnar fjölda færa í leiknum en því miður þá enduðu 3 þeirra í tréverkinu. Glæsilegur leikur hjá stelpunum.

Leikur Fram og Hauka í Pepsi deild karla fer fram á Sunnudaginn 27. júní á Laugardalsvelli kl 16. Mætum öll og styðjum okkar menn og verum 12. maðurinn sem okkur sárlega vantar. Það vantaði herslumuninn síðast, nú löndum við fyrsta sigrinum.

Áfram Haukar!!!!