Haukar.is
Félagið mitt

Fimmtudaginn 8. júlí mun Vodafone-völlurinn loksins verða útivöllur okkar, en þá mætum við gestgjöfum okkar, Valsmönnum, í lokaleik fyrri umferðar Pepsideildar karla.

Búast má við skemmtilegum og spennandi leik og mikið er í húfi fyrir bæði lið. Nú hirðum við öll þrjú stigin.

Áfram Haukar 

Haukaliðið er sem stendur í neðsta sæti Pepsi-deildar með 5 stig eftir 10 leiki. Það er samt sem áður nóg eftir og þó fyrirsögnin sé "Strákarnir verða að vinna á fimmtudaginn" er það ekki þó svo að þó þeir vinni ekki leikinn eru þeir fallnir eða neitt slíkt.

Hinsvegar bíður þeim sjósund og fleira ef þeir vinna ekki systrafélag sitt, Val á fimmtudaginn næstkomandi á Vodafone-vellinum.

Á næstu dögum munu Haukar fá þrjá erlenda leikmenn á reynslu til sín en eins og kunnugt er opnar félagskiptaglugginn á Íslandi 15.júlí næstkomandi. 

Um er að ræða leikmenn frá Slóveníu, Makedoníu og Skotlandi. En þetta staðfesti Andri Marteinsson þjálfari liðsins við Haukar.is í dag.

Það sýndi sig bersýnilega í gærkvöldi að leikurinn er ekki búinn fyrr en dómari leiksins flautar leikinn af, því leik klukkan sýndi 93:34 þegar Kristján Ómar Björnsson skoraði jöfnunarmark Hauka gegn Fylki í 10.umferð Pepsi-deildar karla og þar með fyrsta stig Hauka á heimavelli í sumar, staðreynd.

Daníel Einarsson var í banni hjá Haukaliðinu en sem fyrr vantaði Hilmar Trausta, Garðar og Þórhall Dan sem og Daða Lárusson markvörð en í hans stað stóð Amir Mehica sem með stakri prýði og varði á köflum mjög vel. Í fjarveru Hilmars, Þórhalls og Daða var Arnar Gunnlaugsson því fyrirliði Hauka í leiknum í gærkvöldi og þar með fjórði fyrirliði Hauka í sumar. Hver verður næsti fyrirliðinn?

Fyrri hálfleikurinn var rólegur til að byrja með, en síðan fóru leikar að æsast, Haukar sóttu að marki Fylkis í 10 mínútur en síðasta korterið í fyrri hálfleiknum var hálfgerð eign Fylkismanna. Það lá því mark í loftinu hjá þeim og það kom í byrjun seinni hálfleiks.

Haukar gáfust ekki upp og jöfnuðu metin eins og fyrr segir í uppbótartíma og fimmta jafnteflið á tímabilinu staðreynd. Næsti leikur Hauka er næstkomandi fimmtudag, á Vodafone-velli Valsmanna, þar sem Haukar og Valur mætast en sá leikur er heimaleikur Vals.

Stórleikur sumarsins verður þriðjudaginn 6. júlí kl 19:15 þegar F.H-ingar komar í heimsókn hingað á Ásvelli.

Þetta er leikur sem við ætlum okkur þrjú stig, nú er að mæta og styðja stelpurnar. 

Áfram Haukarar