Haukar.is
Félagið mitt

Í dag skrifaði Spánverjinn, Alexandre Garcia Canedo undir samning við Hauka sem gildir út tímabilið.
Alexandre er því þriðji leikmaðurinn sem gengur til liðs við Hauka í félagsskiptaglugganum sem opnaðist 15.júlí.

Hann er 24 ára gamall og var síðast samningsbundinn Barcelona en var leystur undan samning árið 2006.
Síðan þá hefur hann spilað áhugamannabolta og stundað nám í Bandaríkjunum.

Hann spilar framarlega á vellinum og er með gott markanef og hefur hann kennt Lionel Messi góð ráð en þeir spiluðu saman með yngri liðum Barcelona hér áður fyrr.

Enn eitt jafnteflið í sumar hjá Haukaliðinu og það annað gegn KR varð staðreynd í gærkvöldi þegar Valgeir Valgeirsson umdeildur dómari leiksins flautaði af leikinn á Vodafone-vellinum í gær. Bæði lið skoruðu þrjú mörk í leiknum. 

KR skoruðu það fyrsta eftir aðeins tveggja mínútna leik og skoruðu svo aftur en markið réttilega dæmt af vegna rangstæðu. Haukar skoruðu svo þrjú mörk í röð, fyrst var þar að verki Arnar Gunnlaugsson úr víti, síðan skoraði Hilmar Rafn Emilsson og Guðjón Pétur Lýðsson skoraði svo þriðja markið og staðan 3-1 í hálfleik, Haukum í vil gegn Reykjavíkur Stórveldinu.

Þriðjudaginn 20. júlí taka stelpurnar okkar á móti Fylki í Pepsideild kvenna kl 19:15 að Ásvöllum. Gríðarlega mikilvægur leikur og nú mæta allir á völlinn og hvetjum þær áfram. Áfram Haukar

Eins og greint var frá á heimasíðunni í síðustu viku varð meistaraflokkur karla að sigra Val til að sleppa við sjósund, 1-1 jafntefli varð niðurstaðan í þeim leik og því beið þeirra sjósund og nú er komið að því að þeir taki út refsinguna.

Því þeir ætla í sjósund í dag klukkan 16:30 í Nauthólsvíkinni og munu þar þurfa að sýna listir sínar í sjóheiminum. Hilmar Rafn Emilsson sóknarmaður Hauka mun þó ekki synda í dag heldur mun hann þurfa að gera eitthvað annað í sjónum, enda er hann fastur í gifsi á hendi.

Í hádeginu í dag skrifaði Jamie Mcunnie undir samning við Hauka og verður því gjaldgengur í næsta leik liðsins gegn KR næstkomandi sunnudag á Vodfonevellinum. Samningurinn við Jamie gildir út þetta tímabil.

Jamie sem er 27 ára Skoti, getur leikið bæði sem varnarmaður sem og sem aftari miðjumaður. Hann lék áður með Arnari Gunnlaugssyni í Dundee United í Skotlandi en hann á jafnramt 22 leiki með U-21 árs landsliði Skotlands og þar af 15 sem fyrirliði liðsins.

Hann lék síðast með East Fife í Skotlandi en hefur verið á reynslu hjá Haukum í um það bil viku og hefur staðið sig það vel að Andri Marteinsson vildi semja við leikmanninn.

Jamie er því annar leikmaðurinn sem kemur til Hauka á nokkrum dögum því áður hafði Magnús Björgvinsson fengið leikheimild með Haukum eftir að hafa æft með liðinu í allt sumar.