Haukar.is
Félagið mitt

Síðasta mótið af fimm í Íslandsmóti 5. fl. karla eldra árs í handbolta  var haldið fyrir skömmu í Hafnarfirði.  Haukarnir sendu fjögur lið til keppni sem stóðu sig öll með prýði.

B-liðið Hauka sigraði sína deild og A-lið Hauka sigraði 1. deildina eftir harða keppni sem skilaði þeim 2. sætinu á Íslandsmótinu í heildina.

Haukar luku keppni í Borgunarbikar karla í kvöld. Haukaliðið heimsótti Víking Reykjavík í Fossvoginn en bæði lið leika í 1.deildinni. Víkingar fóru með sigur úr leiknum 2-0 eftir að staðan hafi verið 1-0 í hálfleik.

Haukaliðið átti fína kafla til að byrja með, byrjuðu af miklum krafti en síðan komust Víkingar meira inn í leikinn og þá gáfu Haukaliðið eftir. Það var síðan markavélin, Hjörtur Júlíus Hjartarson sem var réttur maður á réttum stað inn í teig Haukara og kom Víkingum á bragðið. Seinna mark Víkings kom síðan úr vítaspyrnu í seinni hálfleik.

Þar við sat, 2-0 tap staðreynd og Haukar því úr leik í bikarnum. Þá er eina vitið að einbeita sér að 1.deildinni enda verður nóg um að vera þar í allt sumar. Næsti leikur Hauka í 1.deildinni er fyrsti heimaleikur sumarsins. Grindavík heimsækja Hauka á föstudaginn.

Nú styttist í stóru stundina sem allir hafa beðið eftir.  Fyrsti heimaleikur meistaraflokks karla gegn Grindavík nk. föstudag  og  opinberun úrslita  Vorleiks Getraunaleiks Hauka.  

Athöfnin hefst kl. 18:30 í salnum á 2. hæð. Hamborgarar og fleira í boði fyrir þátttakendur Getraunaleiksins.  Dagskrárstjórar verða þeir Jón Björn og Siggi Mey.

Húsið opnar kl. 18:00, verðlaunaathöfn hefst kl. 18:30 og leikur Hauka og Grindavíkur hefst kl. 19:15 !    Góða skemmtun!

Á mánudagskvöldið heimsækir Haukar, lið Víkings Reykjavíkur í Borgunarbikar karla. Flautað verður til leiks klukkan 19:00 og ekki búist við öðru en hörkuleik hjá tveimur mjög svo frambærilegum liðum sem bæði leika í 1.deildinni.

Bæði lið hófu mótið með sigri á útivelli með sömu markatölu. Haukar unnu 2-1 útisigur gegn Þrótti á fimmtudaginn og á sama tíma unnu Víkingar, Grindvíkinga 2-1 í Grindavík.