R E G L U G E R Ð
FÉLAGSRÁÐS HAUKA.
- grein.
Innan Knattspyrnufélagsins Hauka, skal starfa sjálfstæð deild fyrir almenna félaga, Félagsráð Hauka. Allir stuðningsmenn Knattspyrnufélagsins Hauka geta orðið félagar í félagsráði enda greiði þeir árlegt félagsgjald sem ákveðið er af stjórn félagsráðs. Félagsráð skal halda skrá yfir alla félaga.
- grein.
Tilgangur félagsráðs er að styðja og styrkja félagsstarf Knattspyrnufélagsins Hauka og standa vörð um hagsmuni félagsmanna, Félagsráð getur veitt fjárstyrki eða komið að öðrum málum sem styrkir félagsstarf á vegum Hauka. Félagsráð skal standa fyrir fundahöldum og öðrum félagsstörfum fyrir almenna félagsmenn.
- grein.
Félagsráð skal halda sérstakan sjóð, Félagssjóð Hauka, sem skal nota sem varasjóð þegar íþróttastarfssemi á vegum Knattspyrnufélagsins Hauka þarf á sérstökum fjárstuðningi að halda. Tekjur Félagssjóðs ákveðast af stjórn Félagsráðs. Ávaxta skal sjóðinn á sem hagkvæmastan og öruggastan hátt þannig að hann nái að þjóna tilgangi sínum sem best. Óheimilt er að greiða úr félagssjóði nema með meirihlutasamþykki bæði aðalstjórnar Hauka og stjórnar félagsráðs.
- grein.
Stjórn Félagsráðs skipa þrír til fimm menn, kosnir á aðalfundi Knattspyrnufélagsins Hauka ár hvert. Stjórnin skipar sjálf með sér verkum. Reikningsár Félagsráðs er hið sama og Kattspyrnufélagsins Hauka.
- grein.
Félagsráð er óaðskiljanlegur hluti Knattspyrnufélagsins Hauka, Hafnarfirði og lýtur þeim reglur sem gilda almennt um Knattspyrnufélagið Hauka. Heimilt er að breyta ákvæðum þessarar reglugerðar á aðalfundi Knattspyrnufélagsins Hauka í tengslum við almennar breytingar á lögum.
Þannig samþykkt á aðalfundi Hauka og félagsfundi félagsráðs í mars 2007.